അദ്ദിക്ർ

 ഫുജ്ജാറുകളായ കുഫ്ഫാറുകള്‍ മാത്രമാണ് ഇത്തരം സൂക്തങ്ങളെല്ലാം വായിക്കുന്നത്. എന്നാല്‍ അവര്‍ സത്യവും വ്യക്തമായ വായനയുമായ അദ്ദിക്റിനെ തള്ളിപ്പറഞ്ഞുകൊണ്ട് 17: 81; 34: 49 സൂക്തങ്ങളില്‍ പറഞ്ഞപോലെ മിഥ്യകള്‍ പിന്‍പറ്റുന്നവരാണ്. 5: 44, 45, 47 സൂക്തങ്ങളില്‍ വിവരിച്ച പ്രകാരം യഥാര്‍ത്ഥ കാഫിറുകളും അക്രമികളും തെ മ്മാടികളുമായ അവര്‍ അവരുടെ വ്യക്തി ജീവിതത്തിലും കുടുംബ ജീവിതത്തിലും സമൂഹ ജീവിതത്തിലും അദ്ദിക്ര്‍ കൊണ്ട് വിധികല്‍പിക്കുന്നില്ല. 28: 62-64 ല്‍, 'എന്‍റെ പങ്കാളികളെന്ന് നിങ്ങള്‍ ധരിച്ചുവെച്ചിരുന്നവര്‍ എവിടെ എന്ന് എല്ലാവരെയും ഒരുമിച്ചുകൂട്ടുന്ന നാളില്‍ ചോദിക്കുമ്പോള്‍ ചോദ്യം ബാധകമായവര്‍-സംഘടനാ നേതാക്കള്‍ അല്ലെങ്കില്‍ അല്ലാഹുവിനെക്കൂടാതെ മറ്റുള്ളവരെ വിളിച്ച് പ്രാര്‍ത്ഥിക്കാന്‍ വേണ്ടി ഗ്രന്ഥത്തിലെ സൂ ക്തങ്ങള്‍ വളച്ചൊടിച്ച് അനുയായികളെ പ്രേരിപ്പിച്ചിരുന്നവര്‍-പറയും: ഞങ്ങളുടെ നാഥാ, ഞങ്ങള്‍ ഇക്കൂട്ടരെയാണ് ലക്ഷ്യബോധം നഷ്ടപ്പെടുത്തി ദുര്‍മാര്‍ഗത്തിലാക്കിയത്, ഞ ങ്ങള്‍ ദുര്‍മാര്‍ഗത്തിലായതുപോലെ അവരെയും ദുര്‍മാര്‍ഗത്തിലാക്കിയതാണ്, ഞങ്ങള്‍ നിന്നോട് അതിന്‍റെ ഉത്തരവാദിത്തത്തില്‍ നിന്ന് ഒഴിവാകുന്നു, അവര്‍ ഞങ്ങളെ സേവിച്ചുകൊണ്ടിരുന്നവരായിരുന്നില്ല. അല്ലാഹു പറയും: ശരി, നിങ്ങള്‍ നിങ്ങളുടെ പങ്കാളികളെന്ന് ധരിച്ചിരുന്നവരെ വിളിക്കുക, അപ്പോള്‍ അവര്‍ വിളിക്കും, എന്നാല്‍ അവര്‍ ഉത്തരം നല്‍കുകയില്ല, അവര്‍ ശിക്ഷ കാണുകതന്നെ ചെയ്യും, അവര്‍ സന്‍മാര്‍ഗ്ഗം പ്രാപിച്ചിരുന്നുവെങ്കില്‍' എന്നിങ്ങനെ പരലോകത്ത് വരാന്‍ പോകുന്ന രംഗം മുന്നറിയിപ്പ് നല്‍കിയിട്ടുണ്ട്.

വിശ്വാസികളെ വിളിച്ച് നിങ്ങള്‍ അല്ലാഹുവിനെ മുറുകെപ്പിടിക്കുവീന്‍, അവനാണ് നിങ്ങളുടെ യജമാനന്‍, എത്രനല്ല യജമാനന്‍! എത്രനല്ല സഹായി! എന്ന് 22: 78 ല്‍ പറഞ്ഞിട്ടുണ്ട്. 10: 3 ല്‍ വിവരിച്ച പ്രകാരം ആരാണോ അദ്ദിക്റിനെ മുറുകെപ്പിടിച്ചത്, അവന്‍ അല്ലാഹുവിനെ മുറുകെപ്പിടിച്ച് നേരെച്ചൊവ്വെയുള്ള പാതയിലായിക്കഴിഞ്ഞു. 1: 7; 2: 168-169, 286; 6: 55 വിശദീകരണം നോക്കുക.